PËRHAPJA E NDËRMARRJEVE SOCIALE: formim profesional, punë dhe përfshirje
Projekti dhe objektivat e tij kryesore
Projekti "Spreading Social Enterprise: training, work and inclusion" realizohet në territorin Shqiptar, kryesisht në rethin e Fierit, së bashku me partnerët: ENGIM (Ente Nazionale dei Giuseppini del Murialdo), Qendra Sociale Murialdo (QSM), HELP - Hilfe zur selbsthilfe dhe LIBERA.
Objektivi kryesor i projektit është të mbështese zhvillimin e qëndrueshëm dhe gjithpërfshirës të ekonomisë shqiptare, duke promovuar ndërmarrjen sociale dhe përdorimin social të aseteve të konfiskuara. Konkretisht ai kërkon të forcojë modelet e reja të sipërmarrjes sociale dhe kompetencat drejtuese të OSC lokalë që garantojnë përfshirjen socio-ekonomike të grupeve të pa favorizuara si gratë në vështirësi, NEET, viktimat (dhe viktimat e mundshme) të krimit të organizuar (për shembull gratë e liruara nga burgu). Në veçanti projekti parashikon krijimin dhe forcimin e tre Ndërmarrjeve të Formimit Social, të cilat janë pastiçeria Ke Buono, Inkubatori i produkteve agroushqimore i ndërtuar si pjesë e projektit Rise-Alb dhe ofiçina Mekanike në Qendrën Sociale Murialdo në Fier. Tre ndërmarrjet formuese do të bazohen mbi modelin italian te ENGIM që kombinon arsimin dhe formimin profesional me përfshirjen sociale të grupeve vulnerabël, duke i dhënë kështu ndërmarrjes një vlerë të shtuar. Ky model do të prezantohet dhe diskutohet së bashku me organizatat e shoqërisë civile shqiptare dhe do të shpërndahet në nivel kombëtar nëpërmjet krijimit të platformave të internetit ku të përfshihen grupe të ndryshme. Ndërhyrja e propozuar do të adresojë edhe prioritete të tjera duke përfshirë zhvillimin organizativ dhe manaxherial të organizatave të shoqërisë civile përmes seksioneve specifike të formimit. Për më tepër, falë komponentit të subgranteve do të mbështetet nga projekti një ndërmarrje e re sociale.
Aktivitetet
Aktivitetet kryesore të projektit janë:
Sistemimi i një modeli të ri të ndërmarrjes sociale profesionale;
Realizimi i katër tavolinave të rrumbullakëta me OSC lokale për përmirësimin e modelit të ndërmarrjes formuese sociale;
Forcimi i kapaciteteve edukuese dhe profesionale e tre Ndërmarrjeve Sociale Profesionale;
Shpërndarja e modelit në nivel kombëtar nëpërmjet krijimit të platformave mediatike për përfshirjen e grupeve të ndryshme dhe stimulimin e përdorimit të mediave sociale;
Katër tavolina tekniko-institucionale për avokimin e institucioneve publike për integrimin e mdoelit të Ndërmarrjeve Sociale Profesionale në legjislacionin aktual.
Formim/Trajnim për menaxhimin financiar dhe kontabilitetin e NS me ekspertë lokalë dhe ndërkombëtare;
Dy vizita studimore në praktikat më të mira në fushën e ndërmarrjes sociale dhe ripërdorimit social të aseteve të konfiskuara në vendet e BE;
Përcaktimi dhe fillimi i një njoftimi për grant;
Tetë ditë informative dhe formimi
Vlerësimi i propozimeve të paraqitura, caktimi i subgrantit dhe monitorimi i organizatave të shoqërisë civile që kanë përfituar subgrantin.
Partner
Qendra Sociale Murialdo (QSM)
LIBERA - Shoqëritë, emrat dhe numrat kundër mafies
HELP - Hilfe zur selbsthilfe e.v
Financimi
Ky projekt financohet nga Bashkimi Evropian
