JETA E SHËN LEONARDO MURIALDO
Murialdoja lindi në Torino më 26 Tetor 1828. Babai i tij, një agjent i pasur burse, vdiq në 1833. Nëna e tij, një grua shumë fetare, e dërgoi të vogël "Nadino" në Kolegj në Savona, te Etërit Skolopë, ku ai qëndroi nga viti 1836 deri në vitin 1843. I kthyer në Torino, ndoqi në universitet studimet teologjike dhe në 1851 u shugurua prift. Ai zgjodhi menjëherë të angazhohej në Oratoriot e parë të Torinos, midis fëmijëve të varfër dhe braktisur të periferisë: në Oratorion e Engjëllit Rojtar, deri në 1857, dhe më pas në Oratorion e Shën Luigit, si drejtor, nga 1857 deri në 1865.
Kaloi një vit përditësimi në Paris derisa Provania hyjnore e thirri në 1866 për t'u kujdesur për të rinjtë edhe më të varfër dhe akoma më të braktisur, ata të Kolegjit Zejtarë të Vegjël në Torino. Që atëherë, e gjithë jeta e tij iu kushtuamikpritjes, edukimit të krishterë dhe formimit profesional të këtyre të rinjve.
Për ta në 1873 themeloi Kongregatën e shën Jozefit (Jozefinët e Murialdos) dhe në vitet në vijim nisi nisma të reja: një Shtëpi familje (e para në Itali), një Koloni bujqësore, Oratorio të tjerë, së bashku me Vepra të tjera të ndryshme.
Murialdoja është një prani e rëndësishme në Lëvizjen katolike piemonteze. Ai punon për shtypin katolik, është aktiv në Veprën e Kongreseve, është një nga animatorët e Sindikatës së Punëtorëve Katolikë.
Ekzistenca e tij tokësore përfundoi më 30 Mars 1900, por edhe ne sot mund të vlerësojmë trashëgiminë e tij të çmuar shpirtërore, të konfirmuar nga shpallja e shenjtërisë së tij në vitin 1970. Ne mund ta vlerësojmë si thesar përvojën e tij me Hyjin: Hyji na do i pari, personalisht , në çdo moment; dashuria e tij është e pafundme, e butë, e mëshirshme. Përgjigja jonë ndaj kësaj dashurie do të jetë një braktisje e sigurt në duart e Hyjit, një kërkim i gëzueshëm për vullnetin e tij, një zemër e dhënë tërësisht Atij dhe të rinjve, veçanërisht më të varfërve dhe më të vetmuarve.
Festa e Shën Leonardo Murialdo mbahet më 18 Maj.
Botimi ndërkombëtar shënon një profil të Shën Leonardo Murialdos dhe apostullatit të tij, si edukator i popullit
Revista "Tracce" e Bashmit dhe Lirimit.
Shënjt Leonardo Murialdo u bë mik, vëlla dhe baba i të rinjve të varfër" (Mesazhi për Njëqindvjetorin e vdekjes së Murialdos, më 28 mars 2000)
Gjon Pali II
“Vepra të reja sipas shenjave të kohës”
Kardinali Michele Pellegrino
"Ky njeri zemërbutë, i sjellshëm dhe i shenjtë" (Më 3 Nëntor 1963, ditën e lumturimit)
Pali VI
"Natyra e jashtëzakonshme e një njeriu që mbron njeriun" (Letra dekretale për kanonizimin, 1970)
Pali VI
SHËN LEONARDO MURIALDO
JETA NË VIZATIME
FAMILJA E TIJ
NË GJUETI PËR ÇAPKËNË
LUTU, MËSO, LUAJ
PËR TË DITUR MË SHUMË
-
Giovenale Dotta, Leonardo Murialdo, 3 volumi, Libreria Editrice Vaticana, Città del Vaticano, 2011-2018.
-
Renzo Agasso, San Leonardo Murialdo amico, fratello, padre, Libreria Editrice Murialdo, Roma 2000.
-
Eugenio Reffo, Vita del Teologo Leonardo Murialdo Rettore degli Artigianelli di Torino e Fondatore della Pia Società di S. Giuseppe, sesta ed., Tipografia S. Pio X, Roma 1964.