JOZEFINËT NË SHQIPËRI

Kongregata e Shën Jozefit (Jozefinët e Murialdos) është e pranishme në Shqipëri, në qytetin e Fierit që nga viti 1994, për një mision ungjillizimi, edukimi dhe promovimi njerëzor, të nisur nga Provinca Rregulltare Romake të Jozefinëve (Italia qendër-jugore).

Që nga fillimi i pranisë së Jozefinëve, u krijua një bashkësi rregulltarësh dhe laikësh, pa e patur planifikuar atë. Me kalimin e viteve ka pasur disa bashkëvëllezër për stazh nga kontinente të tjera të Kongregatës, duke marrë kështu një fytyrë ndërkombëtare, me prejardhje këta bashkëvëllezër nga Amerika Latine, India, Afrika, dhe Spanja.

E jona është një bashkësi rregulltare që përfshin edhe laikë që ndajnë jetën komunitare dhe të njëjtin mision, duke pranuar të jetojnë karizmën shpirtërore dhe apostolike të Kongregatës së Shën Jozefit siç e shprehu Shën LeonardoMurialdo.

Një bashkësi e hapur për reflektim mbi jetën rregullatare në botën e sotme në ecje me laikët në kishë, për të kuptuar pikat e përbashkëta dhe identitetet e ndryshme thirrore që takohen dhe bashkëpunojnë për vetë Mbretërinë e Hyjit.

Kjo përfshin për të gjithë çdo ditë një ritëm lutjeje personale dhe komunitare dhe, në frontin apostolik, ofron në Fier shërbimin edukativ për të rinjtë e Qendrës së Formimit Profesional dhe mes fëmijëve të Oratorios; ndihmën për familjet e varfra të ndjekura nga Zyra Sociale, e kështu edhe shoqërizimin për arsimimin e minoritetit rom; Mbështetjen në distancë për të miturit në vështirësi; kurse në qytetin e Durrësit ofron angazhimin baritor në dy Qendra Kulti në periferinë veriore të qytetit, në bashkëpunim me Kishën vendase.

Rrjedh një jetë komunitare nga stili familjar, e larmishme dhe plot dashuri dhe miqësi, me një vlerë të fortë formimi të ndërsjellë, e shënuar nga komunikimi dhe bashkëndarja, pasioni për punën dhe bashkëpërgjegjësia, një ndjenjë e fortë përkatësie, një përvojë gëzimi dhe feste, besimi të ndërsjellë, që e bëjnë jetën e përbashkët të qetë, edhe pse  nuk mungojnë momente të vështira.

Një bashkësi e hapur në brendesinë e vet dhe për të mirëpritur ata që janë të përfshirë në të, të interesuar për misionin e saj. Disa bashkëvëllezër në formim, në periudhën e verës, janë të pranishëm dhe bashkëpunojnë me komunitetin në aksionin misionar, duke nxjerrë një përvojë pasuruese dhe stimuluese për vazhdimin e formimit të tyre.

Që në fillim Bashkësia Murialdo krijoi një shoqatë: “Qendra Sociale Murialdo”, e cila mund të veprojë në territorin shqiptar për Formimin Profesional, për aktivitete sportive dhe kulturore në Oratorio, dhe me Zyrën Sociale për aktivitetet e ndihmës sociale, duke u përgjigjur nevojave të të rinjve dhe familjeve në vështirësi socio-ekonomike, veçanërisht të grupeve Romë.

Formatorët e QFP-së, grupe të rinjsh për kampe verore, vullnetarët e Shërbimit Civil Ndërkombëtar dhe ata të Shërbimit Europian të angazhuar me Engimin, miq, individë ose në grup, gjatë vitit, për një periudhë të gjatë ose të shkurtër, vihen në shërbim të sektorëve të ndryshëm të misionit ose për mirëmbajtjen e nevojshme të strukturave.

Komuniteti ofron mikpritje, afatshkurtër ose afatgjatë, për ata misionarë dhe rregulltarë që punojnë në Shqipëri, duke ndarë me ne vëllazërinë dhe mbështetjen e ndërsjellë. Një mundësi për të folur për njëri-tjetrin duke bashkëndarë përvojat dhe "aventurat" e misionit.

Mjedisi në të cilin zhvillohet misioni ofron shumë sfida dhe vështirësi për kontekstin e tij social të shënuar nga trashëgimia e së kaluarës ateiste materialiste të diktaturës komuniste, nga një sistem politik demokratik me probleme korrupsioni dhe krimi, nga efektet e një globalizimi galopant që e bën edhe më të dukshëm kontrastin mes njerëzve të homologuar për modën dhe shumicës së varfër, gjithnjë e më të margjinalizuar.

Një mision për këtë arsye pak i thatë, por emocionues për dëshirën për t'iu përgjigjur nevojës, të shprehur ose jo, për Hyjin dhe dashurinë e tij të mëshirshme nga ana e atyre që janë privuar prej kohësh, në një vend ku "duke dashur të vrisnin Zotin”, përfunduan duke shkatërruar njeriun dhe aftësinë e tij për besim reciprok dhe bashkëpunim, dhe duke krijuar, pavarësisht tyre, një mori Martirësh, të lumturuar në qytetin e Shkodrës më 5 nëntor 2016 nga i deleguari i Papa Françeskut, një shenjë e ndritur shprese dhe rilindjeje për brezat e rinj dhe për një shoqëri shqiptare më të mirë e më njerëzore, më të ngjashme me modelin e njeriut të ri, sipas Jezu Krishtit.

Një fakt që karakterizoi dhe ndikoi në veprimin baritor të bashkësisë ka qenë vdekja e Atë Ettore Cunial-it, i cili u vra më 8 tetor 2001 në Durrës nga një adoleshent, të cilin e kishte mbeshtetur dhe ndihmuar, viktimë e mëshirës dhe e bamirësisë. Me kërkesën e Arqidioqezës së Tiranë-Durrësit dhe të Kongregatës çeshtja e lumturimit është hapur më 8 Tetor 2020 në kishë-katedrale në Tiranë.